timg
 
廣場活碑 > 六四事記 > > 0月 0日:沒有製作「一人一六四」明信片
0月 0日:沒有製作「一人一六四」明信片
上一資料下一資料

沒有製作「一人一六四」明信片 :

年0月0日

 

 
我叫鄺文偉,當年25歲,我記得在8號風球的晚上和一班同學到新華社門口抗議。
 
我叫楊子寧,當年我6歲,我淨係記得橫額上面寫住「媽媽,我餓,但我吃不下」。
 
我叫吳惠娥,當年7歲,我嗰陣仲喺大陸,所以我咩都唔知道。
 
我叫李明慧,當年8歲,我記得老師響學校廣播,一邊喊一邊講望住呢啲畫面,我地咩都做唔到。
 
我叫柯衍健,當年我5歲,我淨係記得我爸爸買咗本雜誌,入面好多圖片都好恐佈。
 
我叫李淑霞,當年我4歲,我淨係記得我舅父揹住我上街遊行。
 
我叫張朝麟,當年我5歲,我淨係記得爸爸媽媽帶我去遊行,行到我隻腳起曬水泡。
 
我叫黃珮欣,當年我6歲,我記得媽媽話俾我聽,北京死咗好多人,但我唔知發生咗咩事。
 
我叫梁詠珊,當年8歲,我記得當日老師無上堂,淨係喺度播收音機。
 
我叫黃佩欣,當年我5歲,我記得媽媽帶我去集會,我第一次聽到民主呢兩個字。
 
我叫沈茵潔,當年我6歲,我淨係記得婆婆遮住我對眼,叫我唔好行近電視機。
 
我叫九虎,當年3歲,在北京。我其實根本不會記得當年究竟發生了些甚麼,但我唯一記得的是,街上的每個人都朝天高舉著「V字」手勢。
 
我叫黎卓賢,當年我5歲,只係記得一啲好糢糊嘅影像,所以我更加希望去探求當年事情嘅真相。
 
我叫雷惠而,當年我36歲,嗰日剛剛同阿仔慶祝一歲生日,返屋企見到電視機入面有坦克車鎮壓,我好驚,攬住個仔喊咗成晚。
 
我叫左惠瑜,當年29歲,和天安門廣場的媽媽一樣心情:不要殺孩子!
 
我叫朱偉傑,當年18歲,最記得一個手無寸鐵的平民,用血肉之軀擋住一隊坦克車隊。
 
我叫薛麗嫦,當年14歲,我記得嗰次係我第一次參與遊行。
 
我叫王海燕,當年係中學生,我記得當時所有新聞報道員都評論呢場係愛國運動。
 
我叫林尚賢,當年我10歲,我記得有好多人走去紅十字會排隊捐血。
 
我叫王蕙怡,我當時在讀小學,我的家庭和當時很多香港家庭一樣,8964後因為惶恐不安而選擇了移民。離開了,又回來。23年後的我長大了,可惜中國的民主夢,仍然只是一個夢。
 
我叫張仙珍,當年9歲。睇住電視畫面我還以為是電視劇,我希望……那真的只是一套電視劇!
 
我叫張文聰,當年我5歲,我印象最深刻的是電視中那夕陽下的天安門。
 
我叫張納基,當年我5歲,我記得那段時間電視經常都會播放國內大學生絕食叫口號的片段,然後有一晚,我爸爸媽媽看着電視哭了起來。
 
我叫李麗盈,當年我4歲,當年我仍不懂得發生甚麼事,但我見到平日唔留意新聞的媽媽成日都「捕捉」住部電視。
 
我叫蕭雲龍,當年我4歲,我對當年的事毫無記憶,長大之後先知道呢件事。
 
我叫馬詩敏,當年我5歲,我記得當年全家坐喺電視機前睇六四報導,好唔開心!
 
我叫李妍樂,當年我6歲,我對事件沒有任何印象,但我知道如果今天不為當年死難者發聲,就不用奢望明天能為自己最基本可享有的人權而發聲。
 
我叫黃善鴻,當年2歲,淨係記得屋企人喺到喊,驚解放軍會打嚟香港。
 
我叫鍾碩殷,當年3歲未懂事,多年後問媽媽,才知道當晚的電視畫面很模糊,但卻可以清楚聽到槍聲和呼救聲。
 
我叫 張建邦,當年仲喺媽咪個肚入面,我希望歷史係突顯良知而唔係埋沒真相。
 
我叫安靜文,當年未出世,我唔明白中央政府在指責日本篡改教科書的同時,否認六四的發生。
 
我叫劉泳寧,當年未出世,我唔明白點解過咗23年,中共仍然以強權踐踏民主?
 
我叫陳家偉,當年未出世,但我由書本同影片中明白到,學生並沒有錯。錯的是殺人不認帳,今天卻假惺惺講和諧的中共。
 
我叫林銘輝,當年未出世,我想知道中國仲可以用上幾多人命嚟埋葬六四真相。
 


Tags : | | | | |

相關文章: 共 0 篇

© 2012 64wiki 支持我們 | 關於我們 | 聯絡我們